اصدقائي مجتمع الجيلبريك العظيم, ماراح اطول عليكم ونبي ندخل في الموضوع. كما نعلم تم اصدار جيلبريك iOS 8خلال الاسبوع الماضي من فريق Pangu ويدعم ايضا الايفون 6 و 6 بلس, كان مفاجئة بصراحة. لكن الفرحة لم تكتمل في مجتمع الجيلبريك على الاقل لمعظهم لانهم لم يتمكنو من عملية الجيلبريك. اول اصدار من جيلبريك iOS 8 كما يقول الفريق انه فقط للمطورين وليس للمستخدم العادي, هذا الجيلبريك بدون السيديا فقط عن طريق الاوامر SSH, عشان المطورين يختبرون ادواتهم وكذا.
ياحبيبي حنا ماصدقنا بس نسمع عن طاري الجيلبريك بلا مطورين بلاهم, المهم كما هو متوقع المستخدمين في مجتمع الجيلبريك كل واحد يطلع طريقة لتثبيت السيديا وكيف تعدل بملفات النظام وملفات الادوات عشان تتوافق مع iOS 8 وهذا سبب مشكلة للفريق الصيني والمستخدمين انفسهم. الحين رايح اقولكم وش المشاكل الي كانت موجودة في جيلبريك iOS 8 من اول دقيقة تم اصداره وحتى الان, وماهي الاشياء التي تم اصلاحها حتى الان وما وضع الجيلبريك بشكل عام حاليا.
زيما قلت الجيلبريك iOS 8 في الاصدار الاول كان ومازال حتى الان تسوي الجيلبريك ولكن بدون السيديا, هذي المشكلة تم حلها الان بشكل كامل ولكن بطريقة اسهل من اول واكثر استقرار وبالتاكيد افضل. اذن السيديا خلص لاتشيل هم…
كان في مشكلة ثانية هي انك اذا حطيت رمز قفل للشاشة اول بصمة بعد الجيلبريك, وطفيت جهازك وشغلته رايح يعلق ومايشتغل, هذي المشكلة تم اصلاحها ليس في الجيلبريك نفسه ولكن اذا تابعت الخطوات الي بشرحها بلموضوع بعد شوي.
مشكلة في متصفح سفاري و الاي مسج, وكم مشكلة غيرها ايضا تم اصلاحها بشرط اتباع الشرح الي بالموضوع هنا.
ايضا مشكلة تحديث Cydia Substrate الي صدر من مطور السيديا الايام الماضية لدعم iOS 8, رغم انه يدعمها اصبح وتشتغل الادوات لكن بعض الاحيان مب مضبوط اذا طفيت جهازك وشغلته لازم تسوي respring وحوسة, هذي المشكلة تم اصلاحها فقط اذا اتبعت الخطوات للجيلبريك من هذا الموضوع.
وش بعد وش بعد ذكرووووني؟؟؟ اي صح اهم اداة في السيديا iFile لاتدعم iOS 8, ولكن في هذا الموضوع تم اصلاحها وسوف تعمل على iOS 8 بكامل قوتها.
اخر شي اليوم صدر تحديث من Pangu لجيلبريك iOS 8, عشان يحل بعض المشاكل الي ذكرتها فوق, لكن للاسف التحديث تسبب بمشاكل لاكثر المستخدمين, واصلن بعد ماتحمل حتى لو مايطلع لك مشكلة لكنه يخرب الجيلبريك عمومن مادري كيف اقولكم بس اخر شي سحب الفريق هذا التحديث مرة اخرى.
الزبدة كل شي تم اصلاحة تقريبن خلص ماراح تواجهك اي مشكلة بعد ماتسوي الجيلبريك معي اليوم, شي واحد تبقى هو على المطورين بتحديث ادواتهم وهذا نخليه بعدين.
قبل مانبدا الطريقة الصحيحة والسليمة لعمل جيلبريك iOS 8 مع السيديا و iFile بدون اي مشاكل, توعدني انك تمشي مع الخطوات وحدة وحدة وتطبق كل شي, مب تترك شي من راسك وتقول لا يمكن ما يحتاج. لازم تسويها كلها عشان يضبط الجيلبريك معاك.
الطريقة:
- اولا, سواء جهازك الايفون او الايباد كان عليه جيلبريك او ماكان عليه, لازم تسوي ريستور من الايتونز مهم, ادخل هنا وحمل اخر تحديث iOS 8.1 لجهازك وايضا تحميل اخر اصدار للايتونز, وتاكد انك مسوي باك اب للايفون ليس على الاي كلاود فقط وايضا باك اب على الكمبيوتر. وابدا بعمل ريستور لايفونك.
مهم: بعد ماتخلص من الريستور, لاترجع الباك اب ولاتسوي اي شي, اذا طلعت لك شاشة Hello بالايفون خلص افصله من الكمبيوتر, واتبع الخطوات اختيار اللغة وكذا وابدا على انه جهاز جديد, بعديين اخر شي اذا خلصنا رجع الباك اب.
- من جهازك الايفون او الايباد ادخل على الاعدادات > iCloud > الغاء تفعيل Find My iPhone
- من الاعدادات > Touch ID ورمز الدخول > ايقاف رمز الدخول
لنبدء عملية الجيلبريك:
- تحميل اداة الجيلبريك Pangu iOS 8 jailbreak عالكمبيوتر (ويندوز فقط) وحفظها على سطح المكتب
- اضغط على اداة Pangu بالزر اليمين واختيار تشغيل كمسؤول
- انا اشوف انك تخلي علامة الصح موجودة لا تشيلها, لسبب مهم هو ان الجيلبريك رايح يقوم بتثبيت الملفات المطلوبة عشان بعدين تقدر تثبت التطبيقات والالعاب المجانية IPA, انا اقول احسن خلي الصح موجود
- انتظر حتى تتعرف اداة Pangu على جهازك الايفون او الايباد واضغط على زر الجيلبريك الازرق
- انتظر حتى ينتهي عملية الجيلبريك بالكامل, بعد مايخلص رايح يعمل اعادة تشغيل جهازك الايفون او الايباد وبعدين يفتح الجهاز وابدا اعداد المعلومات اختيار الواي فاي, الباقي كل شي اعمله تخطي, الاي كلاود (تخطي) – البحث عن ايفون (تخطي) – ضبط كلمة المرور (تخطي) – Touch ID (تخطي) – البدء في استخدام الايفون
- بتحصل ايقونة جيلبريك Pangu عالشاشة الرئيسية زرقاء, لوكان شكلها غريب او لونها ابيض من اداة الجيلبريك بالكمبيوتر اضغط على زر جيلبريك الي قبل شوي مرة ثانية ورايح تضبط
جيلبريك iOS 8 كيفية تثبيت السيديا, iFile و كلمات المرور
ماذا تفعل بعد جيلبريك iOS 8, بعد كل شي انا وعدتكم لتوفير ماهو اكثر من تثبيت السيديا. على الرغم من انه يمكنك تثبيت السيديا بنجاح وهناك الكثير من الطرق المختلفة, لكنها سوف تسبب مشكلة كلمات المرور مثل قفل الشاشة والبصمة, بمجرد وضع كلمة مرور, فان الهاتف يعلق على شاشة ابل البيضا. لكن مع ابو بس الان تثبت السيديا, وحط كلمات المرور, وايضا قادر على تثبيت iFile. دعونا ننظر في ذلك.
الطريقة:
بعد ماسوينا الجيلبريك, الحين افتح ايقونة جيلبريك Pangu الموجودة علاشاشة الرئيسية بالايفون, اضغط على OpenSSH واعمل install من الزر فوق يمين. قم بتحميل الملفات التالية على الكمبيوتر:
- السيديا نسخة ابو بس, afc2d نسخة ابو بس, iFile نسخة ابو بس.
- i-FunBox (حتى لو عندك من اول بالكمبيوتر احذفه وحمل هذا الجديد)
- بعد تحميل الملفات فك الضغط عنها وضع المجلدات على سطح المكتب, افتح مجلد ifunbox وشغل البرنامج ifunbox.exe – مايحتاج تثبيت ولاشي نسخة محمولة
- اذا فتح البرنامج وتعرف عالايفون, نروح لمدير الملفات File System لتثبيت حزمة السيديا والادوات الثانية المكونات الاضافية, حدد جميع ملفات deb داخل مجلد Perfect Cydia_Abo1bs ونقلها داخل هذا المربع الفاضي في i-FunBox بالصورة تحت واضح
- بعد ماينسخها كلها, اضغط على Quick toolbox من FunBox في القائمة اعلى وبعدين من Advanced تحت نختار SSH terminal, بتطلع لك رسالة اضغط على No في داخل مربع الاوامر الاسود هذا انسخ والصق داخله سطر الاوامر هذا:
dpkg -i /var/mobile/Media/*.deb- واضغط انتر من الكيبورد
- يبدا الحين تثبيت ملفات السيديا والي معها, انتظر لين يخلص كذا شوي مايطول كم ثانية بس انت تاكد انه خلص فعلن انتهى من تثبيتها. اخر شي يكتب اذا خلص المربع الابيض الصغير بلنهاية .
- بعد ما ينتهي انسخ هذا الامر داخل داخل الاوامر الاسود هذا المربع الصغير وانتر:
su -c uicache Mobile- وبعدين ادخل الامر:
killall SpringBoard
بعد التثبيت سوي اعادة تشغيل للجهاز, او ببساطة بس اكتب في مربع الاوامر reboot وانتر, اذا اشتغل الجهاز افتح الشاشة وابتحصل السيديا والاي فايل, اضغط على السيديا رايح يقوم بتثبيت بعض الملفات المطلوبة وغيرها ويسوي اعادة تشغيل اخيرة.
هذا كل شي, فل نجعل العالم يتحدث جيلبريك.
ليست هناك تعليقات:
إرسال تعليق
اترك تعليقك هنا